看多 BULLISH
AMD我系睇好嘅。基本面嚟讲，绝对系看好，始终本身有个好劲嘅CEO喺度带领，呢个系我最核心𠮶个睇法。基本面我唔觉得有乜问题。 但如果你讲技术面，就要分开睇。头先都讲过，成个半导体板块，可能会慢慢行返一段调整浪。AMD如果真系跟住出现调整，先睇会唔会补一补裂口。短线如果做高位计，高位计大概有个简单两成、松啲嘅跌幅，即系可能落返500几蚊附近，再睇下有冇机会去返50天线附近。 如果20天线已经揾到支持，咁就冇乜好讲，仍然系大升浪；如果真系回到50天线附近，反而又可能系一个机会。总之我嘅point好简单：技术上可以调整，但基本面我睇唔到有问题。