看多 BULLISH
Intel我哋喺87、88蚊左右买过，之后都讲咗，呢只本身就系被打击嘅对象。跌到好深，去到60蚊附近，我哋喺68蚊左右又捞咗两注，即系前后加埋四注。 而家个做法都好简单：等佢会唔会再跌。如果再跌，其实大约52蚊呢啲位置，我哋会再捞；如果穿埋52，再去到40蚊呢啲位置，我哋都会再捞。 点解仲会买？因为我觉得民主党攞咗两院之后，有啲共识系两党都会做，特别系一啲重要行业要本土化，因为要应对外边嘅冲突。晶片系一个好重要嘅领域，当年民主党执政时其实都有晶片法，美国国家会提供好大嘅政府补贴，去支援一啲晶片制造厂回流美国本土。 所以我觉得，就算佢哋自己再重新执政都好，呢个方向暂时唔会变。咁对Intel嚟讲，我哋仍然会买入，亦都会长期持有。