我自己睇，黄仁勋离开，唔代表英伟达基本盘会即刻散晒。点解11月12日𠮶日，股价掂完近期低位148之后，仲可以由急跌反弹、收返上166，跌幅由12%缩到4%？原因其实唔复杂：呢件事发生之前，市场已经先调整得好伤。由10月初历史高位计到11月12日，股价已经跌咗30%。之前大家对AI投资回报、科技股估值等等嘅担忧，已经推动大量资金撤离；黄仁勋辞职，只系再加速咗个过程，同时亦令太低位开始有资金承接。 另外，黄仁勋当然系极核心人物，但英伟达今日嘅竞争优势，早已经唔只系一个人，而系建立咗喺成套技术同产业链基础之上：CUDA软件生态、GPU硬件架构、Everlink互联技术，以至同全球大型营运服务商嘅合作关系，呢啲都系相当强嘅竞争壁垒。微软、亚马逊、Google呢啲客户嘅数据中心建设计划，唔会因为换CEO，就一日之内所有订单消失。呢一点，大家要分清楚。 但你又千祈唔好另一边走极端，觉得低位买完就变天龙大V，天都光晒，之后一路顺风顺水、日日向上。相反，我觉得更大机会系：股价可以反弹，但反弹到一定程度之后，会再出现比较大、比较强嘅震荡，同埋可观嘅回吐。因为后面再有坏消息出嚟，一啲都唔奇。譬如话，如果开始传若干客户订单有少少动摇，市场一定会即刻无限放大，惊系咪之后更多客户都会冇，股价到时又会震。 再加上，黄仁勋离职之后好短时间，市场已经喺传美国司法部可能会调查英伟达。我自己深度啲去睇，件事未必只系好表面、单一嘅私德问题。更深层次，较大机会可能涉及对中国地区一啲灰色地带交易，甚至系咪同美国政府之间有啲谈唔拢、忍咗好耐，最后逼走，呢啲我觉得都唔可以完全排除。 所以我嘅结论好简单：唔系即刻崩，但亦唔好幻想会一帆风顺咁收复。之后大机会系反复大幅震荡，弹完再回，来来回回。成个股价修复过程，要用季度去睇，唔好用日，甚至唔好用小时去睇；时间错配，睇法就好容易错。
看空 BEARISH