看多 BULLISH
首先，NOW 呢间公司其实我自己观察咗好耐，基本面系非常好。 最近点解会跌呢？主要原因就系市场担心 AI 会令到佢收入下降。因为呢个担心，所以由2014年12月开始，股价一直都系走下跌格局；甚至去到2015年10月之后，个向下斜率仲更加明显，一路跌一路跌，所以我哋一直都冇买。 但最近喺呢个区间，我觉得开始出现咗一啲变化。首先，下跌嘅斜率改变咗，由一个下跌浪慢慢变成横行浪。大家会见到，股价开始出现一底高于一底，呢啲就系我哋希望见到嘅转强格局。 同时间，最关键嘅位置系由5月14日开始发生。佢突然之间连续升咗三棍，而且同时间突破咗呢个下降格局嘅 K-Trend 阻力。突破之后再拉回，呢一下其实就系极好嘅位置去买入。 点解我会咁睇？因为你见到佢收入系不断上升，预期都系好稳定嘅收入。所以我认为，呢啲最终会反映返落股价。如果盈利真系同我预期一样，股价系会跟住盈利上升而上升，呢个通常会领先反映出嚟。所以短期内，我觉得股价系有上升动力嘅。 不过而家个走势已经有少少太急。如果之后有拉回，回踩返一啲好啲嘅位置，我会有机会用多余嘅仓位去加仓。真系要等佢落返少少，我会睇一小时嘅 K枪支援，一小时都会有啲反应。暂时睇嘅位置，大概系117、116呢啲位。等佢拉回𠮶一下，对我嚟讲就系一个加注机会。