中性 NEUTRAL
我觉得呢，呢单唔系小事。If 真系去到受限晶片经代购、可疑渠道流返大陆，NVIDIA就算话自己唔知，都未必甩到。去到国家级任务、代购呢啲 level，过河怎么都会湿脚。你话一百几十万、一丁点，我都当你有得拗；依家外面讲到系几十亿、甚至去到好大数，咁就唔系讲笑。 所以风险系好实在的：美国政府如果认定相关销售或者流向系违规，要唔系隔斜你，要唔系就重罚你。讲真，美国政府如果真系想敲，NVIDIA唔会冇事。呢个位我唔会帮佢粉饰，系严重风险。 但另一边，我又觉得未必会咁简单打沉NVIDIA。依家成个美国经济都靠AI，AI龙头就系NVIDIA。你咁样一搞，如果股价大跌，唔系净系跌一只股票咁简单，会牵连好多嘢，其他公司、融资、债务链，成串都会郁。黄仁勋某程度上又真系精神领袖咁，唔系普通公司老板。 所以我而家个睇法好简单：件事系严重，但NVIDIA又有少少大到不能赌。唔系话佢冇事，亦唔系话佢一定安全；而系现阶段你要赌美方会唔会一棍打死佢，我觉得未必。 总而言之，免费午餐就只有一餐。今次NVIDIA似乎食咗一餐免费午餐，后面点埋单，就睇佢自己点处理呢件事，亦都睇美国政府最后点定性、罚得几重。先睇戏，唔好太早落重注。