看空 BEARISH
第一只当然讲返呢只死人Core Wave。CRWV我一向都唔看好，盘后升15%，我觉得最主要就系压抑过深、跌得太多，业绩一出，循例弹一弹，系情绪反弹多过前景改善。 佢今次又系老生常谈：营收好强、RPO又上调。之前讲1040亿美金，依家讲到1320亿美金，听落梗系好似打鸡血咁。如果呢批订单全部真系做得完，咁Core Wave当然可以飞黄腾达。问题就系——仲有冇时间？市场等唔等到你慢慢做完呢啲合约？ 因为个核心问题一直冇变：佢负债水平相当高。单系预计第四季度利息支出，已经再增加到10-11亿美金。还债高峰呢一两年未必即刻发作，但一去到2029、2030，成盘债务就会开始滚雪球，到时系好难处理。呢类企业，营收可以好似打鸡血，但债务先系真正压住条命𠮶样嘢。 所以今日CRWV个上升，我仍然倾向当佢系坏消息接近出尽、跌到够皮之后嘅循例反弹。甚至某程度上，市场都系借佢去推高返费城半导体指数啫。唔好因为一支大阳烛，就当前途 suddenly clear晒。 我喺Live一路讲嘅结论，依家都冇变：我对CRWV本身前途，仍然系相当唔看好。除非佢真系可以喺债务压力恶化之前，把呢大堆合约落地、做完、变成现金流，否则而家呢下升，我唔会当系基本面扭转。真系要做呢个方向，我反而会拣其他优秀成员，可能仲相对好。