看多 BULLISH
Google 呢，我自己嘅信心可以话都有啲感恩、幸运成分，但唔系完全乱嚟，少少都系基本因素。 而家去到300蚊，PE大概30倍。你谂返，200蚊𠮶阵佢赚嘅钱可能都差唔多，𠮶时PE咪廿几倍啰。大家有睇小弟节目都知，我睇股票，图我唔识睇㗎啦，我都系睇啲好简单基本嘢：收入、纯利、纯利率、纯利增长。 你睇返Google个profit margin，哗，三成profit margin㖞大佬；纯利增长又三成，就算五年平均都有28。当时PE廿四五倍，我就系睇中呢样嘢，呢个第一。 第二，就系我去完美国一转返嚟之后，发觉Waymo真系好得㖞。所以Google可以话系今年其中一个几唔错嘅选择。