看多 BULLISH
其中一只我买入的股份，跟大家分享一下，就是 HOOD。其实上星期都同大家讲过，我哋开始买入了，因为见到个趋势已经开始出现。我哋一直都系等紧比较低嘅位置，可惜等咗一阵都等唔到。 但我自己对 HOOD 之后嘅睇法，依然系正面。将来我相信呢只股份，喺未来一段时间都可以保持高增长，特别系预测市场越嚟越盛行嘅时候，HOOD 嘅前景我觉得系相当明朗。 简单嚟讲，呢间公司你当佢系美国版富途。佢同富途一样，都有做预测市场。基本上预测市场，你可以当佢系一个大赌场。HOOD 本身已经系做佣金生意，而家再加埋呢一块，某程度上即系由佣金生意，再开到做赌场生意。我自己系几钟意呢类 business，因为客户黏性非常之高。 再睇返数字，佢利润率有 32% 的增长，第二季收入 13.1 亿美金，GPS 增长有 48%。呢个绝对系一间高增长公司。而且第二季佢仲回购咗自己股份 4.14 亿，都反映到呢类做佣金收入、产品黏性又高嘅公司，通常自由现金流都系好高、好丰厚。 当然，风险都有，而且最大嘅风险就系我最担心𠮶个：预测市场有好多监管同管辖争议。因为佢其实系蚕食紧好多线上赌场、线下赌场嘅利润。你有预测市场可以赌球，点解我仲要去赌场赌球？所以监管上面，我觉得系一个几大风险。 但我反而系希望，呢啲监管风险可以尽快释放。因为一旦呢啲监管落地，往往就有机会变成股价一个长线买入时机。不过到而家我都仲未等到，所以现阶段我只系先用一啲注码去捕捉住先，亦都留定几注，如果真系有呢啲风险出现，到时我会再加注。