看多 BULLISH
我自己个人的看法，其实一啲都唔系好负面、好担心，整体我都OK。QQQ琴日𠮶下反弹，连埋呢一两日个走势，最少暂时都未见到𠮶种好异常嘅成交阳烛。以我自己Sorry咁样睇，美股好多时大跌完反弹，如果成交系慢慢缩细，通常仲有空间；反而一段反弹途中，突然弹一棍好强、成交又明显放大，𠮶一下出完，短期就比较大机会要休息，或者横行。唔好问我点解，我都唔知，个形态成日系咁。 所以我而家反而系留意住：反弹过程入面会唔会突然有一日放大成交。如果今晚CPI之后，唔系出一个好夸张嘅回落、又一大棍打落嚟，我会继续偏向短线反复向上。不过讲真，纳指去到阻力位附近，再加上NVIDIA就快出业绩，市场有机会先观望一下，节奏慢少少都好合理。现价你话追唔追？唔系唔得，但最佳上车位，我自己反而觉得系等佢小回先。