RagaFinance財經台：APP 看多

APP 呢只真系哗，吓死你。出完业绩先升10%，盘后再抽，成份业绩出嚟再升20%。虽然今年一度跌到仆街、跌咗五成，但最新呢份数系真系靓：收入、净利全部高过预期，仲系历史新高；收入22亿，增长55%，纯利14亿，升72%，Net profit margin 简直去到7成，夸张。点解今季会咁好？我自己睇，几似啲平台股翻新个 logic：佢同 AI 唔再系敌对、唔再系竞争者，反而变成互利关系。呢个我觉得都系 AI 落地其中一个几好嘅示范作。