看多 BULLISH
CIEN 呢只我寻日都有加仓㗎。大前日见到有个好大好大嘅成交，而且系一支阳烛，𠮶日成交远远高过之前咁多日，OK，咁呢个大成交就反映有好多大型资金入去买，所以我第二日已经有追入。 呢只其实系一只超级受惠 AI 嘅股票。CIEN 上一年做咗 47.7 亿生意，但客户新订单高达 78 亿，即系代表需求系远远高过现有生产能力。最近公司亦都大幅上调 2026 年指引，将成长预期由 17% 提高到 24%，分析师都预期明年每股盈利可以直接翻一倍。 个逻辑好简单，就算你有好好嘅 GPU，都需要有个好好嘅光纤网络，而 CIEN 就系做光纤网络设备。基本上只要 AI 发展唔停，CIEN 𠮶个订单都唔会停。而且佢嘅技术领先对手至少一年到两年，所以就令到 CIEN 有双引擎嘅增长。 风险都有，主要第一就系太贵，而家预期市盈率都有 48 倍。但我哋买强势股好多时就唔会睇呢个估值，因为贵嘅股票好多时可以更加贵。大家可以留意，如果嚟紧再有回调、企稳嘅话，可以考虑再买。