屯門爸飛突：MU 看多

睇MU，暂时好明显系反弹咗上50天线之上，相对系比较强，表现算系比较好，起码企返上50天线先讲。50天线944，依家本钱就944，呢个世界就系咁奇怪，就系返到50天线呢个位。如果今日又收返落去，咁琴日就可以视为一个假突破。 但另一边都要讲，MU每一次反弹，其实都仲系行紧一顶低于一顶。当然今次反弹系咪完，我哋唔知道，但对上一次反弹顶部就系994.8，再对上一次反弹顶部就系103.5，今次反弹顶部就系982.8。所以今次嚟讲，仲未算系真真正正突破到呢个一顶低于一顶嘅形态，仲未算突破。 不过，而家开始有少少想变好嘅迹象出现，起码佢本身下跌嘅轨迹有一点变咗，系有一点变咗。呢一点，我觉得值得大家留意。