中性 NEUTRAL
今日最著重都系讲 MU。盘前几劲，依家1211，基本上好大机会破前顶，前顶1213。点睇？我自己觉得系有模式可以数。 我今日自己嘅策略都好简单。我唔觉得我之前一千一百几走系样衰，反而我会咁做：如果今日真系开喺一千二百几，因为我而家净返10%，我开𠮶一下系一定会关。讲真，我真系净返10%，有睇我广播、update 嘅战友应该知，我之前已经一路减咗，留好少。 所以我今日一开，清9%，留1%放战绩。跟住如果佢真系唔跟之前𠮶啲模式，MU就咁直上，咁就随佢啦。都已经赚咗四成，四十几个 percent，随它吧，睇快啲就算，等下一次回踩再算。 但如果佢系我头先讲𠮶种模式——高开，冲一冲，或者直头唔冲，直接打返落嚟，将今日啲升幅吐返出嚟——唔使话全部，攞返一半都得。佢今日升17%，短线形态计，有机会一棍打返落千一，甚至穿一穿千一。咁我就会卖返去？唔系，我系会加返少少，但唔会加足，只系加一点，再食多一层，可能听日朝早走。呢个就系我自己接下来会做嘅做法。