看多 BULLISH
相关嘅 ISRG，我而家暂时睇系五盏绿灯。若果睇返周线图，我自己会觉得，长线角度由2026年年初行𠮶段跌势，基本上好明显系行完、跌完、完咗㗎喇。佢而家唔单止突破咗，仲系站稳咗；突破之前后又有做过回测，呢样我会睇得几重要。 而家个走势，比较似行完第一段浪，开始有啲想行浪三𠮶种 feel。所以短线上，406我觉得系一个几重要嘅支持。406楼上，如果纯技术咁睇，我觉得上返44几，甚至再高少少，都唔系冇可能，视乎呢段浪可以走到几尽。 但呢只一定要严守指示。回头如果穿404，就要开始小心；你保守啲，当400蚊做最后一道线都得，穿400就真系要小心。如果唔穿400，其实个势仲系向上，咁你话再望44几，甚至更高少少，我觉得系有机会、有可能性嘅。始终佢啱啱先转绿灯，而今年7月个高位本身就系44几，上一段跌浪又似系啱啱完成，家阵做紧修复，去返44几我觉得讲得通。 再睇 MA 线，50天线同20天线都系啱啱转向上，所以技术上我觉得都 OK。不过讲多次，呢只我冇任何基本面可参考，所以真系纯 technical setup，纪律要摆前面，守位去做就系咁。