看空 BEARISH
这些我哋好早之前已经买咗嘅 MSTR，点解而家会谂住放售一部份？因为始终我自己对后市系比较保留啲。尤其我觉得，好大机会喺 Advopix 上市之后，市场会有一个比较大嘅回调发生，所以短期内，呢啲已经有获利嘅股票，我哋可能会先食咗部份先。 另外，MSTR 我哋自己一直都有买，仓位同比特币差唔多，都是比较低位开始买。之前都讲过，MSTR 嘅波幅系会比比特币更加大。我哋自己买入价其实都唔算特别平，大约系 120 蚊左右；之前最低都试过跌到八十几蚊，所以呢只嘢个波动真系大好多。 但到而家，我哋仍然系持有 MSTR。至于食股位，我自己睇，大约去到 180 蚊左右，其实系有机会食一食。计返条数，其实同比特币差唔多，盈利大约 50% 左右。短期赚到 50%，我自己觉得系 OK 嘅，先锁住利润都合理。 而家个价仲系高位浮动，咁就睇下会唔会有突破。但老实讲，你睇资金流方面，其实有少少唔系太好，所以我都会谂，啲资金系咪开始走。正因为咁，今个星期我哋会比较聚焦 MSTR；如果真系碰到 180 蚊附近，呢啲红色边皮位，我哋就会走一走货，先锁利润，呢个就系我自己喺 MSTR 嘅部署。