看多 BULLISH
一直都有收集GOOG。两个星期前先同大家分享过，几得意，不知算幸运定唔幸运，佢到而家都仲系喺接近380蚊边啲位置，我哋最近都系加咗住。 点解会加住？因为Google嘅前景，我哋衡量完风险同回报、风险同未来前景之后，Google依然系而家环球市、尤其咁多美股升得好厉害嘅时候，仍然系一个好优质嘅选择。 当然，Google唔系冇风险，而且我觉得有三大风险要睇住。 第一个风险，就系全球反垄断嘅冲击。面对美欧两地比较严厉嘅监管判决，包括美国可能被迫分拆Chrome浏览器，或者Android系统；欧洲𠮶边如果因为违反数位市场法案，亦都有可能面临巨额罚款。 第二个，亦都系市场最关心嘅，就系资本支出嘅黑洞。2025年全年资本支出高达1800亿至1900亿美金。未来如果企业变现率、尤其AI变现率唔符预期，市场有机会大失所望。 第三点，就系流量成本同利润嘅变革。随住无广告AI搜索嘅普及，同埋用户习惯转移，未来搜索广告嘅点击率有可能会受到蚕食。虽然而家仲未见到，但呢个隐忧依然存在。