看多 BULLISH
其实而家得返 Palantir。当然啦，市跌佢都会照跌，星期四、星期五股市跌空𠮶阵，你见到佢完全唔畀面，跟住纳指一样咁兑落去，个图系一模一样。但你要注意，佢相对前面个低位，其实都系浪高咗，并冇跌穿前低位。 我觉得佢最强嘅地方，长话短说，就系好难被取代，尤其系军事𠮶个能力。正式指定为五角大楼核心系统，带来多年稳定现金流，呢样唔系 Anthropic 一出现就可以话取代就取代。所以我自己都会比较睇 Palantir 往后走势。 我重申，Palantir 佢乜都好，冇乜唔好。增长又好，不能被取代性又好，军事 AI 入面𠮶个 unit 又好，我哋喺好多战争入面，包括委内瑞拉、以伊战争，都见到军事加 AI 嘅重要性，所以佢长远增长相对都系比较强。 商业 AI 𠮶边都一样，佢服务超大型公司为主。超大型公司一搞 Palantir 之后，其实好难咁容易甩掉合约畀第二间公司做，简直系大只到郁唔到、转唔到身。所有嘢对 Palantir 嚟讲肯定系利好。 但问题系，咁多利好入面，佢唔好嘅地方都系 PE 估值仍然相对比较贵。如果可以再压到个 PE，我觉得到时利用价值就会加大。就算万一而家喺 Palantir 入面，可能帐面都要挨价，依家搞到好似世界末日咁每只股票都跌，但要挨价都好，我始终觉得佢会比另外啲弱势 SaaS 好。