看多 BULLISH
LITE你问我，我觉得其实同之前讲开𠮶堆AI系列股好似，GEV、GLW，甚至你开埋MU张图出嚟，你话俾我听有咩分别？老实讲，我觉得冇乜分别。又系高位杀落嚟，之后反弹，反弹完又喺度磨，成件事就系冇乜气息。LITE只不过高位喺5月，MU高位喺6月，本质上个走势pattern真系差唔多。 咁我唔系话AI层面唔需要光通讯，当然有需要，呢个我冇否定。但问题系冇办法，始终佢已经炒咗一轮。由旧年4月4、50蚊升咗二十几倍，个故事市场系炒过㗎喇。对住呢啲炒过一轮、之后弹完又磨嘅股份，如果真系好似我讲咁，纳指之后要穿十几%甚至更多调整，你又点解会觉得佢有机会唔破底呢？ 所以我个睇法好简单：我冇话佢唔得，冇话佢生意唔好，冇话佢冇价值，冇话佢冇增长。唔系讲基本面唔得，而系呢个时刻我唔会拣去上车。假设佢真系回返嚟，咁我反而会觉得系上车机会；但而家呢个时间点，我自己就唔会。