中性 NEUTRAL
如果你问我 NBIS 值唔值得研究，我会答：绝对值得。因为佢系少数高纯度嘅 AI 基建标的，而且身上有增长、平台化、垂直整合，同埋成本优势，呢啲全部都系市场最钟意嘅元素。 但如果你问我，系咪可以当成𠮶类比较稳阵嘅股票咁样去持有？我答案就系：唔得啦。因为佢本质上就系一只高 BETA 嘅成长股，回报潜力同埋回撤风险，一样咁大。 所以 NBIS 最大嘅风险，其实唔系冇故事，而系故事太大。因为佢要做嘅嘢本身就系极度食资本，长期都要大量 capital expenditure 去起数据中心、买设备，同埋扩展 GPU cluster。只要资本市场稍为收紧，或者股价有一定回落，佢嘅融资能力就会受到影响，甚至可能要用更差嘅条件去增发股份，令股东被稀释。