看多 BULLISH
Google在AI领域的投入，绝对唔系讲下就算，资本开支去到1750亿美元以上，系全力追赶Microsoft。 最新财报都系亮眼，特别系Google Cloud，AI需求带动之下增长明显加速，年化收入已经超过700亿美元，呢个会系公司未来增长嘅核心引擎。 风险就同Microsoft差唔多，巨额资本开支短期一定会压利润，市场都会担心AI军备竞赛入面，Google可唔可以保持领先，同埋投资回报率到底点样。再加上全球反垄断调查，基本上从来都冇停过。 但其实Google喺咁多大型科技股入面，走势系最靓𠮶批，一直都系一级一级咁上升。 如果你真系想试，我觉得可以用295元做止蚀，睇佢企唔企得稳支持位。依家博佢上350元，其实都有一定值博率，因为向下睇系15元，向上睇系40元。