看空 BEARISH
EL 呢个交易令到股价直插，当时都过百元，依家只剩低六七十元，真系好惨。我系唔赞成呢个交易，有几个原因。第一，EL 本身数目已经做得差，你仲搞咩合并呢？你冇时间、冇资源去做。第二，本身又唔系多现金流，一路都做得差，数目差，边有现金流？仲要借。 我自己觉得 EL 个问题，就系你揸住贵货，但依家啲贵货，大家都唔系太能够食到。消费者市场开始变，你啲贵货系咪值得呢个价格，或者理念上推唔推销到？好似推销唔到。 如果佢品牌都未去到好龙头嘅香水，或者佢时尚其实系错，你仲要延伸去中高价市场，我觉得好难做，真系好难做。仲要用唔平嘅价位，起码要负债。所以成件事，我明白，我都好同意股东唔同意呢件事。你先执好自己个品牌，先处理好数目，再谂，系合理嘅。