中性 NEUTRAL
ISRG，达芬奇手术机，或者叫直觉外科，盘后跌得相对比较大，差不多8%。但老实讲，毕竟它由340几蚊反弹咗足足100蚊，业绩前你当佢偷步上升也好，或者反弹得够也好，所以由呢个跌幅去睇，我觉得都系合理。虽然如果你攞住货，机器唔想听呢啲，但我会话，系合理跌幅。 至于业绩本身，其实唔差。营收都有一个唔错嘅增长，去到20几%。达芬奇呢类公司，你本身预期佢永续增长，大概都系10-20%，而且系非常坚定嘅10-20%，呢个其实就系呢间公司嘅日价所在。基本上，呢间公司系冇乜差嘅地方，最差嘅地方唔系业务，系股值贵。用咗咁多年时间，都仲系喺300-600蚊之间行走，基本上就系一个消化股值嘅痛苦过程。反而公司业绩，或者佢𠮶种独特性，基本上冇一间公司可以取代。 而今次股价跌嘅理由，或者话借口，只不过系市场对手术量增长预测个区间有啲唔开心。之前系13.5%到15.5%，依家缩窄到14%到15%。即系话，全年增长预期个中枢，基本上冇提高，所以股份就有啲唔开心，左左落去。 长远去睇，我觉得等佢慢慢消化股值，随时间一路流逝，去到一个相对比较合理嘅水平，佢先至可以运行返一个比较正常嘅区间，去返一个所谓游走嘅过程。到时无论正股定 option，都可能有机会重新成为一只好做嘅股份。当然，时间系要等，我哋拭目以待。