中性 NEUTRAL
RDDT 呢只，哎呀，老实讲，佢上完市之后我就一直唔系太钟意。个 business model 本身系做论坛，当时最热𠮶阵当然好多人好钟意讲，但我自己对呢类 platform 始终有啲顾忌。 不过而家睇，佢个盈利模式系稳健咗好多。呢只我其实都未有时间深入研究，但你见到收入系稳步上扬，4亿、5亿、6亿、7亿、8亿咁样上，跟住佢又真系赚到钱，赚 1 亿多；最新呢季 8 亿赚 2.5 亿，net profit margin 都几靓，都靓仔，保持到 3 成。赚乜嘢可以咁劲，我都要再研究一下。 另外就系佢被推上咗去，入咗 S&P500 之后，VOO 呢啲大型基金马上会买佢。因为 Reddit 本身又唔算好传统𠮶种大企业，传统基金未必一开始会睇中，但一入 S&P500，个 cash flow 就即刻唔同。再加上我觉得都有夹短仓呢个因素。 所以我而家个睇法唔系话一下子变到好 bullish，而系：佢而家有咁稳定嘅盈利模式，呢样嘢系值得研究一下，我都想同大家分享下先。