看多 BULLISH
诺和诺德呢，我自己先讲咗个结论先：批准呢个口服版，我觉得系一个好好嘅开始嚟嘅。 首先要科普返，减肥口服药系咪一个突破呢？我觉得绝对系一个突破嚟嘅。如果佢真系证明到个效能做到同注射一样嘅话，我会觉得系相当之了不起。 之前𠮶种跪低，其实对诺和诺德嚟讲，先就痛一忽啫。价格劈咗落嚟，毛利都会低咗，呢个系好痛，但最后都系好事嚟嘅。因为佢系用价去换量，当量嘅提升可以 cover 到个价𠮶阵时，个威力就会嚟㗎啦。 而且呢个跪低系相当之值得，因为换嚟咗先批准咗自己𠮶只先，往后可能三至半年之后先再批准另一只减肥药，咁诺和诺德就换嚟三个月，或者五六个月嘅空窗期。 更重要系，当人哋仲喺度赶工，做紧临床二期嘅注射版 GLP-1 𠮶阵时，诺和诺德已经再大幅跳前一步，做到口服药。呢一点对佢相对红海级竞争对手，又系超前一步。 而家口服药正式推出，亦都可以令成个专利权嘅忧虑得到舒缓。呢点对诺和诺德嘅永久经营，相对嚟讲系紧要嘅。 再讲估值，就算未计口服药之前，跌到落呢个价位，静态市盈率绝对冇 20 倍，系远低过 20 倍。咁安全边际，我哋巴菲特所讲嘅 Safety Margin，其实已经好好多。 所以，一个比较低啲嘅静态市盈率，再配合呢个口服药，我哋衷心希望诺和诺德终于度过咗最艰难嘅岁月，个股价再唔好表现得咁差啦。