看多 BULLISH
MU 呢个板块我哋系长期睇好。讲真，一年半之前我已经系领先同大家睇好，呢个我觉得绝对系一个大周期。所以 MU 亦都系我哋重点分析、领先咗好多市场去揾到嘅公司。我哋连估值都计过，大概如果落到 800 元，讲紧佢下年 PE 都系 8-10 倍左右，所以我会觉得 800 元系好平、好靓嘅价钱。 如果下一次要做 MU 的短线部署，上一次最值得留意其实就系踩 KTRAIN 𠮶个位，跌唔穿就买。下一次我觉得都系等佢返去 KTRAIN，最少落到 1054 元呢个上升通道支持位；又或者假设去到 1044 呢个位，我会定一个止损，然后再向上望。因为呢啲位大概下 3% 到止损，但向上望有 1 比 3、1 比 4 左右嘅赚蚀比，呢个 price 我系会做。 除此之外，如果回得比较急、比较深，而成个大格局仲喺度，其实 800 几元系非常漂亮嘅位置。再下一个再深少少嘅位，好可能就系呢个上升趋势嘅低位，依家睇大概系 1027 呢个位置。所以如果真系回到呢啲位，我都会继续向上望。DRAM 周期我觉得应该仲未完，如果喺呢啲位置买到，再睇一年两年，呢啲位都有可能系低位，所以 MU 呢只我会当长线持有。