过去一两个星期半导体真系跌咗好多，但我自己会分层次去睇。NVDA、TSM 呢啲 Tier 1，我就算有持仓都系完全唔担心；再落一级去到内存，譬如 MU、海力士、三星，我会有少少忧虑，但又未去到好严重。反而有啲基本面比较薄弱、估值又贵嘅，我觉得真系要非常非常小心。 讲返 MU。之前高位我系有食糊一部分，利润放咗入口袋，之后佢都跌咗好多。但到呢一刻，我依然觉得佢喺呢啲价位系吸引，我自己都会继续持有。原因其实都系基本面。 第一，喺成个 AI 结构入面，晶片同内存系划不可分，HBM 呢啲高阶内存毛利系好高。第二，而家订单能见度其实都几清晰。第三，呢类内存公司而家现金流都好充沛，海力士已经做紧回购，MU 我觉得好大机会喺 12 月开始回购，回购量甚至有可能超过市值 5%。你当一只 growth tech，仲有充足订单、仲有增长，但同时又用回购回馈股东，我自己会觉得呢个组合喺而家呢啲水平系几吸引。 另外一个我觉得几重要嘅位，就系 HBM 本身系寡头控产。三大巨头基本上已经食咗超过九成市场，而且佢哋对产能都系好克制，所以到而家呢一刻，HBM 仍然系供不应求。呢个对盈利能力同经营杠杆都系有利。 当然，唔系话冇风险。最大风险其实同 NVDA 好似——如果终端需求有一日真系转弱，Google、Microsoft、Meta 呢啲科网巨头唔再咁大手买 AI 晶片，咁对内存需求有机会系断崖式下跌。再长期少少，我觉得真正要问嘅都唔系啲短线新闻、唔系边个 CEO、亦唔系一两个政策 headline，而系成个半导体 / AI 周期而家究竟系尾部、定系中段。呢个先系最大风险。 所以我嘅做法都好简单：前提系基本面仲成立，我会继续揸；但仓位一定要控制，唔好太集中喺同一个板块。呢类股份我觉得系有危有机，而我自己仍然觉得，机会系大过危机。
看多 BULLISH