看空 BEARISH
我梗系欢迎有人挑战 FICO 啦。因为我本身就唔钟意任何人有垄断，作为一个自由市场——你当我经济右派都得啦，OK——梗系有选择先好。 同埋讲真，我唔觉得呢个系一个技术垄断。咩叫技术垄断？好似 N-Media 咁，你可以挑战佢㗎，AMD 咪挑战佢啰，系咪？只系好辛苦啫，因为人哋真系靠技术去垄断。当然体量大会有其他配套，但技术本身系重要。反而 FICO 呢啲 Credit Rating，我真系——对唔住啦，可能我唔识，如果有 FICO 嘅人你可以指点我——我就真系唔知佢有咩技术优势。 所以你问我，FICO 呢类更加似既得利益集团。特朗普政府而家行右派经济政策，重点系 Deregulation，尽量将呢啲令个市价贵、加剧负担重嘅关卡拆掉。咁其中一个方法就系引入竞争。 一有竞争，你生意未必会少好多，但你仲想收三成几 Profit Margin 呢种暴利？咁就唔得啦，点都要呕返 10% 出嚟。